ابڙو اڪيڊمي Abro Academy
2020-07-18
داخلا نمبر 505
عنوان هِل، گونهه خور
شاخ پکي
پڙهيو ويو 433
داخلا جو حوالو:
هِل، گونهه خور
هِل، گونهه خور
لڳ ڀڳ 28 سينٽي ميٽر ڊيگهه واري هن پکيءَ جا نَر ماد هڪ ئي رنگ روپ جا ٿين ٿا. بالغ پکي ميرانجهڙو اڇو ٿئي ٿو ۽ اڇن پَرن جي هيٺئين ٻاهرئين حصي تي ڪارا کنڀ ٿينس ٿا. ان جو مٿو ۽ ڳچيءَ جو ڪجهه حصو بي کنڀ ۽ پيلو ٿئي ٿو. پڇ ويڪري ڪنڊ جي شڪل جو هوندو اٿس. ان جا چُوزا چاڪليٽي ناسي ۽ ميرانجهڙي اڇي رنگ جي داغن وارا ٿين ٿا. چهنب پِيلي اٿس، جنهن جي چوٽي ڪاري ڳجهه وانگر مُڙيل هوندي آهي. هي پکي بنگله ديش ۽ سري لنڪا کان سواءِ سڄي اُپکنڊ ۾ عام آهي. آسمان تي سرڻ وانگر لامارا پيو ڏيندو آهي ۽ ڪنهن وڻ يا عمارت تي ڪاٺين جو آکيرو ٺاهي ٿو. جنهن ۾ ٻه سهڻن چِٽن وارا آنا پيل هوندا آهن. گونهه خور جڏهن نابالغ هوندو آهي ته جسم جا سڀ کنڀ ناسي هوندا اٿس. اُڏامندو آهي ته سڄو جسم پُڇ سميت ۽ پرن جو اڳيون حصو اڌ گول ۾ اڇو نظر ايندو آهي. ھي ماحول : 3 جو پکي آھي.